Rydym am recriwtio Swyddog Cymunedau Gwledig i ymuno â'n Gwasanaeth Adfywio ac Economi ar gytundeb amser llawn am dymor penodol, wedi’i leoli yn ein swyddfa yn Aberaeron.

Mae hon yn rôl gyffrous yn y gwasanaeth gan roi cyfle i ysbrydoli datblygiad gweithgaredd LEADER arloesol, sydd wedi’i arwain gan y gymuned, ar draws Ceredigion. Os oes gennych brofiad mewn meysydd fel adfywio, gwaith cymunedol neu ddatblygu economaidd, gallai hyn fod yn gyfle i chi. Bydd gennych rôl ganolog wrth ysgogi cymunedau gwledig Ceredigion, i gynyddu eu gallu i adeiladu gwybodaeth a sgiliau, arloesi a chydweithredu er mwyn goresgyn heriau lleol. Mae’r tasgau a’r llwyth gwaith yn newid o hyd, ac rydym yn chwilio am y sawl all feddwl yn arloesol ac ymateb yn bositif i heriau trwy gynnig atebion. Mae gennych nawr y cyfle i helpu i lunio dyfodol ein sir.

O ddydd i ddydd byddwch yn:

• Hwyluso ymgysylltiad, cyfranogiad a mentora ystod o sefydliadau yn y sectorau cymunedol, cyhoeddus a phreifat i gynorthwyo gyda datblygu eu gweithgareddau
• Hwyluso a chefnogi datblygiad prosiectau LEADER gyda darpar ymgeiswyr, gan fynd â phrosiectau trwy banel dethol ac arfarnu Grŵp Gweithredu Lleol Cynnal y Cardi
• Darparu mentora, cyngor ac arweiniad parhaus
• Datblygu a gweithredu systemau monitro i sicrhau cydymffurfiaeth prosiectau Cynllun Datblygu Gwledig LEADER â gofynion allbwn ariannol a chytundebol
• Paratoi gwybodaeth fonitro yn rheolaidd

Rydym am recriwtio unigolyn gyda:

• Brwdfrydedd ac ymrwymiad i waith cymunedol mewn ffordd greadigol
• Profiad o ymgysylltu â chymunedau, busnesau, mentrau cymdeithasol, y trydydd sector, addysg uwch a'r sector cyhoeddus, gyda'r gallu i adeiladu perthnasoedd da
• Sgiliau rhyngbersonol a chyfathrebu rhagorol
• Profiad o ddatblygiad cymunedol gwledig cyfranogol
• Hanes llwyddiannus o gyflawni prosiect
• Dealltwriaeth o'r materion sy'n wynebu cymunedau gwledig a busnesau gwledig

Ariennir y swydd hon drwy Gymunedau Gwledig Llywodraeth Cymru - Rhaglen Datblygu Gwledig Cymru 2014-2020 a gyllidwyd gan Lywodraeth Cymru a’r Undeb Ewropeaidd.

Yn gyfnewid am eich sgiliau a'ch ymrwymiad, byddwn yn cynnig ystod o fuddion gweithwyr i chi gan gynnwys cynllun oriau hyblyg, lwfans gwyliau blynyddol cystadleuol a chynllun cyfraniadau pensiwn hael. Mae mwy o wybodaeth am ein hystod eang o fuddion gweithwyr i'w gweld yma.

Disgrifiad Swydd a Manyleb Person

Os hoffech wybodaeth bellach am y rôl hon, cysylltwch â: Meleri.richards@ceredigion.gov.uk

Cynhelir cyfweliadau: 03/08/2021

Noder: Cedwir yr hawl i estyn  y dyddiad cau.